انفصال وانفعال أمام الكاميرات وإحراج بسبب ابنته.. أزمات شريف منير في عيد ميلاده

نعرض لكم زوارنا أهم وأحدث الأخبار فى المقال الاتي: انفصال وانفعال أمام الكاميرات وإحراج بسبب ابنته.. أزمات شريف منير في عيد ميلاده اليوم 2024-05-14 09:10:46

يحل اليوم الثلاثاء عيد ميلاد الفنان شريف منير، حيث أنه ولد يوم 14 مايو عام 1959 بمحافظة المنصورة وصنع مسيرة فنية طويلة  أمتع بها مشاهديه ولازال يقدم للجمهور الكثير.

انفعال شريف منير على صحفية

وفي هذا الصدد، يرصد تحيا مصر أبرز أزمات شريف منير بالتزامن مع عيد ميلاده، حيث انفعل شريف منير على صحفية أثناء عزاء والدة دينا الشربيني وخرج ليقدم اعتذار فنشر الفنان شريف منير على حسابه الخاص بـ إنستجرام مقطع فيديو، قائلاً: “امبارح كنت في عزاء والدة دينا الشربيني في مسجد المشير، وأنا خارج قابلت مجموعة من الصحافيين، وكانوا موجهين الموبايلات فقلت كلمة وفي أخت صحافية قالت حاجة فجأة يا إما سؤال أو تعليق وكان مفاجئ، فكان رد فعلي سريع فقلت لها هشش، فلقيت عيب أوي واتلبخطت وقلت ألم الموقف، وقلت لها انتي فاكرة نفسك صحافية ولا إيه، فلقيت نفسي بغلط أكتر”.

شريف منير وأسرته

وأضاف: “أنا مضايق من اللي حصل والفيديو نزل يوتيوب، ويمكن ناس كتير ما شفتهوش بس أنا اتضايقت من نفسي لما شفته، والناس قالت في الكومنتات إني قليل الذوق وما كانش ينفع كده وإني مغرور وأنا فعلاً أستاهل كل الكومنتات الوحشة دي ومش وحشة هي صح لأني غلطت وكان لازم آخد جزائي وبعتذر عن الطريقة اللي اتكلمت بيها ورد الفعل للصحافية وللشباب الصحافيين”.

واختتم شريف منير حديثه قائلًا: “بعتذر للجمهور واللي زعلان مني ما تزعلوش أنا كنت غلطان وقليل الذوق وأستاهل النقد اللاذع وأبويا علمني لما أغلط اعتذر”.

هجوم على شريف منير بسبب بناته

وتعرض شريف منير لموقف محرج عندما هاجمه الجمهور بعدما حلقت ابنته أسما شريف منير شعرها لكنه خرج ليدعمها وقال شريف منير خلال فيديو نشره عبر حسابه على موقع تبادل الصور والفيديوهات القصيرة إنستجرام: مساء الخير، باكل سمك مشوي ورز أبيض، إيه الدوشة اللي إنتو عاملينها دي وإيه الضجة اللي إنتو عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته، تصرف عادي جدًا مفيهوش أي حاجة، إوعوا تفتكروا إني هاجي على بنتي عشان خاطر أكسب رضاكم.. دي بنتي اللي ماليش غيرها وبحبها.

وتابع: بالمناسبة اللوك اللي عملته عاجبني وأنا مبسوط منها أوي، بس قبل ما الإخوة السادة الملايكة الصالحين اللي عمالين يقلوا أدبهم ويشتموا، وبيقولوا تاخد التريند وجاتها البلاء في شكلها وبيقولوا أبوها معرفش يربيها، لا أنا بنتي متربية كويس جدًا بس هي بتتصرف باللي هي حاسة بيه، المهم إنها متكونش بتأذي حد.

وأضاف شريف منير: قبل ما تتكلموا بصوا على نفسكو واتفرجوا على عيلتكو وعلى إخواتكو وعلى الناس اللي حواليكو قبل ما تنتقدوا وتغلطوا وتقولوا متربتش بـ 3 تعريفة أو بربع جنيه تربية، لا أنا بنتي متربية كويس جدًا.

واستطرد: بحب آكل السمك والرز بإيدي حتى في المحلات الفخمة جدًا تفتكروا دي قلة أدب مني ولا مفيش إتيكيت؟ على العموم ريحو نفسكو واهدوا شوية؛ لإن اللي حصل من بنتي مش غلط ومش عيب هي مغلطتش في حد فيكو ومغلطتش في نفسها وبعدين بنتي عندها 36 سنة وأم وعندها بنوتة ومسئولة عن نفسها.. وأنا أب مسئول إني أحميها وهي حرة في تصرفاتها، أسما أنتي شكلك زي القمر وشكلك حلو جدًا وخدتي التريند برافو عليكي، متسمعيش كلام حد ومتهتميش بكلام حد وأنا مش مهتم بالكلام اللي بيتقال عليا ولا عليها المهم إننا مش بنضر حد، سلام عليكم.

انفصال شريف منير 
 

وأعلن الفنان شريف منير طلاقه من زوجته الثانية الفنانة لورا عماد، والدة ابنتيه فريدة وكاميليا، وذلك بعد زواج استمر نحو 20 عاماً، ووقعت بعدها أزمة بين طليقته وبناته شهدت عليها السوشيال ميديا.