عن الديون واحتياطي الدولار وسعر الصرف.. مفاجآت مدبولي للمصريين

نعرض لكم زوارنا أهم وأحدث الأخبار فى المقال الاتي: عن الديون واحتياطي الدولار وسعر الصرف.. مفاجآت مدبولي للمصريين اليوم 2024-05-13 05:40:09

 

 

يا ترى مصر عملت ايه فى ملف الديون الفترة اللى فاتت  ؟ وايه تفكيرها للملف ده فى السنين الجاية؟ وايه اخرتطورات سوق صرف العملات الأجنبية؟ وهل أزمة الدولار انتهت بلا رجعة ولا ممكن نشوف سوقسودا تاني؟ وازاى الحكومة بتفكر فى كل الملفات دي؟

 

فيه ملفات كتيرة فى مصر محتاجة الناس تعرف الدولة عملت ايه فيها؟ وايه خططها ليها الفترة الجاية؟  وعشان كده الدكتورمصطفى مدبولى خرج واتلكم ووضح كتير من الامور اللى بتشغل بال الناس فى مصر. الدكتور  مدبولي وخلال مشاركته في الجلسة الافتتاحية لمؤتمر “يوم مؤسسة التمويل الدولية” أكد إن الدولة تمكنت من رفع الاحتياطي الأجنبي وزيادة أصول البنوك.

وكشف مدبولى ان الحكومة بتراقب الدين العام وبتعمل على تقليله الى اقل حد ممكن رغم انها بتواجه العديد من التحديات وقال ان فيه 4 قطاعات بيتم التركيز عليها حاليا مع الحرص على زيارة المصانع والمشروعات للقطاع الخاص لمتابعة أي مشكلات بتواجه المستثمرين والعمل على حلها فورا

رئيس الحكومة اعلن ان ن الإصلاحات الهيكلية للاقتصاد معتمدة على عدة ركائز و أول ركيزة  وجود سعر صرف مرن والسياسات الخاصة بالنقد وتقليل النفقات العامة على البنية التحتية وبعض البرامج القومية التانية.

وقال ان الإصلاحات الهيكلية للاقتصاد بتعتمد كمان على تشجيع القطاع الخاص انه يلعب دور مهم وقيادي في التنمية الاقتصادية ووضع أهداف طموحة في قطاع الاستثمار والقطاع الخاص والوصول بنسبة مشاركته فى الناتج المحلى الى نسبة 65 % خلال الفترة الجاية.. وأعلن ان كتير من الشركات العالمية بدأت في العمل بمصر وتم إصدار أكثر من 40 رخصة ذهبية في سنة واحدة بس.. وأكد ان الدولة المصرية بتحاول التوسع في التعاون مع الشركاء الدوليين وبتركز  على مرونة الاقتصاد والانتقال بيه إلى الاقتصاد الأخضر

وبتُنظم مؤسسة التمويل الدولية، عضو مجموعة البنك الدولي، المنتدى بمشاركة كبار المسئولين من الجانب الحكومي والقطاع الخاص، في إطار تعزيز جهود تمكين القطاع الخاص ومناقشة الفرص والتحديات اللي بتواجه الاقتصاد المصري.. وده بيعكس الشراكة الوثيقة بين مصر ومجموعة البنك الدولي ومؤسساته التابعة، من خلال إطار الشراكة الاستراتيجية 2023-2027، وبتعتبر مصر واحدة من أكبر دول العمليات لمؤسسة التمويل الدولية، بمحفظة استثمارات تُقدر بنحو 8.9 مليار دولار، بالإضافة إلى الاستشارات والدعم الفني اللي بتبلغ قيمته 34 مليون دولار.